كيف أنساه؟؟

#1 17-02-2009

بسم الله الرحمن الرحيم

اني طالبه جامعيه مرحله رابعه بقى لي عدة اشهر واتخرج إن شاء الله
متفوقه بدراستي ومحبوبه من قبل كل الناس والحمدلله والشكر.
مشكلتي انه اني في هذه السنه تعرفت على طالب ويايه بالجامعه لكن من غير قسم وتحولت علاقتنا من زملاء الى عاطفه قوية ولاإراديا شفت نفسي حبيته كثيرا وهو ايضا انجذب الي كثيرا وصار ميكدر حتى ساعه يفاركني بالدوام والمهم جمعتنا مشاعر حلوه كلش لكن ماتخطت الحدود يعني نضرات على ابتسامات على كلمات حلوه وبس والي حولنا كلهم كانو متأكدين من انه هو عنده نيه يتقدملي ..
وفي يوم تعيس جدا فتحنا موضوع الزواج فقال الي انه مامفكر ولاراح يفكر في يوم يرتبط بي بزواج؟؟ طبعا اني انصدمت وحاولت اغالط نفسي اني احتمال دااحلم او هو يمزح معي؟؟ قلت له ليش؟؟ كالي السبب انه سابقا كان في انسان في حياتي
حاولت اقناعه انه علاقتي كانت سطحيه بذلك الشخص وانه اني ماغلطت بأي شي مع ذلك الشخص وتقدملي واهلي رفضوه لعدة اسباب واولها النصيب من ربي مامكتوب .وافترقنا وخلص.
كان جوابه انه هو يقدرني ويحترمني وحبني ومو بيده لكن مايكدر يرتبط بيه.
طبعا اني ثار غضبي في تلك اللحضه واختلطت عليه الافكار وانجرحت كلش.
من تلك اللحضه إبتعدنا واحد عن الثاني وتحول هذا الانسان من فرحه الى دمعه بعيني من أشوفه كلش أتعذب تختلط أمامي جروحي مع أشواقي وحنيني اله
مالكيت غير بس نضرات العتاب أخاطبه بيها من بعد المسافات أما هو فقلت جياته للجامعه أصلا ماكام يجي حتى ماأعرف هل حتى ينساني أم ينسيني أم ماذا؟؟مااعرف
اني مريت ولازلت أمر بلحضات صعبه كلش.كلماتنا بعدها ابالي نضراته وهمساته مدااكدر أنسى شي غمضت وفتحت شفت نفسي وحدي وهو ماكو حتى خياله مدأشوفه.
اني قررت انه انساه وابتعد عنه واسلمه للايام وان جمعتنا الصدف القي السلام وادير وجهي واكمل طريقي لكن عذاب الحنين مديتركني؟؟أصحى وأنام على ذكراه؟؟ والدنيا من بعده طلعت من عيني؟؟ انتو قولولي كيف أنساه؟؟؟؟

#2 20-02-2009

بعد السلام
وودي والاحترام
حبي انتي الايام تنسي المرء ما كان
والوقت يقتل كل شيء
والي عافك عوفي
واكيد الله اله حكمه وشيء احسن الك
انت ما تعرفي هسه
ونصيحه من اختج
ما قتل الحب احدا

#3 20-02-2009

اختي العزيزه سلام عليكم ورحمة الله وبركاته احب تسمعي نصيحتي الج صح فراق صعب وكلنه مرينه ابهلتجربه واحمدي الله انو كشف عن حقيقته من فتحتي موضوع زواج رفض يعني انسي احسن ميفيدج علاقه حب بدون زواج اكدر اسميه ضياع وضحيه هو انتي فاتركي وانسي الله يعوضج با حسن منه تحياتي الج

#4 21-02-2009

بزونه

صعب المنال

والله فرحتوني بمروركم وكلماتكم كانت بلسم لجروحي
اشكركم من كل قلبي للنصائح الي اكيد راح اخذها بنضر الاع***ر
ويارب عليك العوض

تحياتي

#5 22-02-2009

فد مرحبا وهلو كلش هوايه

اما بعد

البدايه جميله جدا
والنهايه اجمل
وكالمعتاد

والي نساك انساه والي هواك انساه

واصبر على فركاه

وشارعنا ضيك لا تطب بسوبرك

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم

الذين يشاهدون محتوى الموضوع الآن : 1 ( الأعضاء 0 والزوار 1)